ORDER

Saitual, the 7th April, 2025 : Tunhnaiah kan ram ṭhenawm Churachandpur, Manipur-ah ui a hri (Rabies) a leng mek a, he hrileng avang hian ui eng emaw zat an thih thute hriat a ni a. He hrileng laka Saitual District leh a chhunga chengte kan him theihna turin thupek chhuah a ṭul a ni. 

Chuvangin, Dr. Lalngura Tlau, District Magistrate, Saitual District chuan Section-163 Bharatiya Nagarik Suraksha Sanhita (BNSS), 2023 - in thuneihna a pek angin thupek a chhuah a ni:

  1. Saitual District-ah ramdang aṭangin Ui lakluh khap a ni.
  2. Ui damlo leh thi an awm anih chuan AH&Vety, Office hnai berah hriattir vat tur a ni.
  3. Ui vulhtuten an ui vulh chu Rabies vaccine an lak tir vek tur a ni. 
  4. Ui vulhtuten an ui vulh chu khawlaiah an chhuah zalen tur a ni lo. Tin, khawlai an chhuahpui dawn anih pawhin hrui/chain rinawm takin an kai tur a ni.
  5. Ui khuahkhirh lohvin mihring a seh anih chuan Section-291 BNS, 2023 hmangin ui neitu chu thla ruk (6) chhung lung in tan emaw Rs 5,000 thleng chawi tir an ni ang.

He thupek bawhchhia chu Section 223 Bharatiya Nyaya Sanhita (BNS), 2023 hmangin hremna pek an ni ang. He thupek hian vawiin ni 07.04.2025 aṭanga thla hnih (2) chhung a huam ang. 

Attachment