ORDER

Saitual, the 3^rd April, 2025 : NH-06 Rulchawm aṭanga NH-102B Tuivawl lui kalpawhna tur kawng Dhariwal Buildtech Ltd. ten an laih mek chu tunhnaiah lirthei hmanga kal tlang an awm ṭhin tih hriat a ni a. Hemi avang hian kawng siamtu contractor-ten harsatna lian tak an tawk ṭhin a, an kawng siam mek rah chhiat a nih ṭhin mai bakah kawng lai laia chhiatna (accident) thleng thei a nih avangin thupek chhuah a ṭul a. 

Chuvangin, Dr. Lalngura Tlau, District Magistrate, Saitual District chuan Section-163 of Bharatiya Nyaya Suraksha Sanhita (BNSS), 2023 in thuneihna a pek angin a hnuaia thupek hi a chhuah a ni:

          "NH06 Rulchawm - NH102B Tuivawl lui kalpawhna tur kawng siam mek hi mi tumahin lirthei hmangin a kaltlang tur a ni lo."

He thupek bawhchhia chu Section-223 Bharatiya Nyaya Sanhita (BNS), 2023 hmangin hremna pek an ni ang. He thupek hian vawiin ni 03.04.2025 aṭanga thla hnih (2) chhung a huam ang.