HRIATTIRNA

Saitual, the 17th February, 2025 : Khua a lo ṭhalin lo hal a lo hun leh dawn ta a. Lo leh huan kan vah bak ram kan tih kan ṭhin avangin nungcha, thing leh mau leh mihring nunna hlu tak kan chan phah fo ṭhin. Saitual District chhunga khaw hrang hrangah ram kang laka kan him theih nan a hnuaia tarlante hi zawm ṭheuh turin mipuite hriattir kan ni : 

  1. Ram vat zawng zawngin meilam ṭha tak an siam ngei tur a ni a. An meilam sial te endik a nih theih nan Lo/Huan/leipui hal tur reng rengin an hal hma ni thumah VC-ah an in report vek tur a ni.
  2. Khawtlang ram ṭheh ram nei tute chuan March ni 15, 2025 ral hmain hal vek tur a ni. 
  3. Huan/Leipui tur mimal ram vatte chuan march ni 5, 2025 hmain hal vek tur a ni. 
  4. Hmunphiah hmun neite chuan march ni 31, 2025 thleng an hal thei ang.
  5. Lo/Huan/Leipui hal tur reng rengin an hal tur ram chhunga Electric wire, Internet Cable/Tv Cable te a awm a nih chuan a buaipuitute hnenah an hal hma ni thumah an hrilh ngei ngei tur a ni.

Sawrkar thupek dinglai zawm loa ram tikangtute chu dan anga hrem an ni ang.



                                                                                                                                                                                                          sd/-

                                                                                                                                                                                           Dr. LALNGURA TLAU

                                                                                                                                                                                           Deputy Commissioner

                                                                                                                                                                                           Saitual District, Saitual