ORDER

Saitual, the 24th April, 2025 : Mizoram hmun hrang hrangah dan lova Kuhva Rah lakluh leh phurh a tam thu hriat a ni a. Saitual District huamchhungah pawh heng dan phalloh thil a lo thlen lohna turin thupek chhuah a ṭul a.

Chuvangin, Dr. Lalngura Tlau, District Magistrate, Saitual District chuan Section-163 of Bharatiya Nagarik Suraksha Sanhita, 2023-in thuneihna a pek angin a hnuaia tarlan ang hian thupek a chhuak a ni:

  1. Saitual District huam chhungah dan lova Kuhva Rah lakluh leh dah khawl khap tlat a ni.
  2. Hmun dang aṭanga dan lova Kuhva Rah phur lirthei eng chi pawh Saitual District huamchhungah tlan khap tlat a ni.

He thupek hian thla hnih (2) chhung a huam ang. He thupek bawhchhiate chu Section-221 of Bharatiya Nyaya Sanhita, 2023 hmanga hrem an ni ang.

He thupek hi vawiin, April ni 24, 2025 hian Court Seal chhu-in hming a ziah hnan a ni.


                                                                                                                                                                                                                           sd/- 

                                                                                                                                                                                                            Dr. LALNGURA TLAU

                                                                                                                                                                                                                District Magistrate

                                                                                                                                                                                                                   Saitual District



Attachment