Saitual, the 14th May, 2025 : Section 3, The Mizoram (Prevention of Government Land Encroachment) Act, 2001-in a sawi angin, mi tumahin sawrkar phalna lovin vantlang ram/sawrkar ram an luah tur a ni lo. Vantlang ram/sawrkar ram nek lui emaw luah emaw te chu hemi dan hnuaiah an phu tawk hremna pek an ni ang.
Saitual Town chhungah kawngpui zau zawk kan neih theih nan leh vantlang ram/sawrkar ramte hauh a nih theih nan in sa thar tur reng reng chuan in an sak hmain Ram Endik Dilna; DC Office, Saitualah an thehlut ṭhin tur a ni. Application Form hi Revenue Branch, DC Office Saitualah emaw mahni awmna Village Council-ah lakchhuah theih a ni ang (Application form sample thiltel a ni). In sakna tur hmun hi Surveyor leh Village Council ten an endik hma chuan tumahin in an sa tur a nilo.
Survey Manual, 2020 of Land Revenue & Settlement Department, Mizoram-in a sawi angin, in sa thar turte chuan kawng bul emaw kawr kam emaw ah hetiang hian Road/kawr Area dah tur a ni.
- National Highway kawng chhak lamah kawng lai tak aṭanga horinzontal-a tehin 12.00 metres leh kawng thlang lamah 8.72 metres. He tehna hi kawng zawlah a la tla cheu a nih pawhin road edge aṭanga 2.00 metres talah dah ngei tur a ni.
- Motor kal theihna kawngah chuan kawng thlang leh chhak lamah road edge aṭangin horizontal-teha 3.00 metres. Kawng zau zawng hi dah vek tur a ni.
- Footpath-ah chuan chhak lam leh thlang lamah horizontal-a 1.00 metre a ni tur a ni a, footpath zau zawng hi 1.00 metre aia zim lo tura dah ngei tur a ni.
- Nullah/Drain-ah chuan horizontal-a 2.00 metres.
sd/-
Dr. Lalngura Tlau
Deputy Commissioner
Saitual District, Saitual
