Saitual, the 10^th May, 2025 : Kan hriat ṭheuh angin Phalgam beihna chhanletna leh Pakistan helho beihna atan India sawrkarin ni 07.05.2025 khan Operation Sindoor hlawhtling takin a kalpui a ni a. hemi avanga India leh Pakistan indo hlauhthawnawm dinhmunah hial kan din mek laiin vawiin 10^th May, 2025 khan inkahhai (ceasefire) puan a ni ta a. Chuvangin, Mizoram sawrkar ngenna (vide No.F.20016/10/2020-GAD dated 10.05.2025) angin Saitual district chhunga kohhran leh sakhaw hrang hrang rinna vuantu zawng zawngte'n naktuk 11^th May, 2025 inkhawm hun remchangah a hnuaia thupui tarlan ang hian ṭawngṭai rualnaa nei turin kan  inngen a ni:

1. Operation Sindoor hlawhtling taka India sawrkarin a kalpui avanga lawmthu sawina.
2. Ram tana bei mek sipaite'n chakna leh venhimna an dawn theih nan.
3. Ram hruaitute'n kan ram leh hnam himna atan a rilru fim tak hmanga thuthlukna an siam zel theih nan.

Mimal tinte pawh mahni remchan dan angin kan awmhmun ṭheuhah lo zawm ve turin kan inngen bawk e.

                                                                                                                                                                                                          sd/-

                                                                                                                                                                                              Dr. Lalngura Tlau

                                                                                                                                                                                          Deputy Commissioner

                                                                                                                                                                                          Saitual District, Saitual