ORDER

Saitual, the 11^th March, 2025 : Tunlaiin kan ramah leh ṭhenawm state-ah te vawk hrileng (ASF) avangin harsatna tam tak kan tawk mek a. He hrileng laka Saitual District kan him theihna turin thupek chhuah a ṭul a ni.

Chuvangin, Dr. Lalngura Tlau, District magistrate, Saitual District chuan Section-163 Bharatiya Nagarik suraksha Sanhita (BNSS), 2023-in thuneihna a pek angin thupek a chhuah a ni:

1. Saitual District-ah vawk damlo tlah leh hralh khap tlat a ni.
2. Vawk damlo chu dahhran tur a ni a. Vawk thi an awm a nih chuan thuk takah chinai nen phum tur a ni.
3. Vawk damlo leh thi an awm a nih chuan AH&Vety Office-ah hriattir vat tur a ni.
4. Hrileng darh tur venna atana vawk suat duhte chuan AH&Vety Office-ah dilna thehluh tur a ni.

He thupek bawhchhia chu Section-223 Bharatiya Nyaya Sanhita (BNS), 2023 hmangin hremna pek an ni ang. He thupek hian vawiin ni 11.03.2025 aṭanga thla hnih (2) chhung a huam ang.