Chairman  : Dr. Lalngura Tlau, DC Saitual

Attendees :

  1. Addl. Superintendent of Police
  2. Dy. Superintendent of Police
  3. Sub-Divisional Officers (SDOs), Saitual
  4. Sub-Divisional Officers SDPOs), Saitual
  5. District Child Protection Officer, DCPU, Saitual
  6. Mission Coordinator, One Stop Centre (OSC), Saitual
  7. Shelter Home : Superintendent, Hlimna In Girls Home, Saitual
  8. Shelter Home : Serenity Boys Home, Saitual
  9. District Project Co-ordinator, Child Helpline, DCPU
  10. President/Secretary, MHIP Sub-Headquarter, Saitual District
  11. President/Secretary, Sub-Headquarter YMA, Saitual District
  12. Chairman/Secretary, District VC Association, Saitual District

Saitual the 5th May, 2025 : Vawiin chawhma dar 11:00 khan DC Conference Room-ah Bawrhsap Dr. Lalngura Tlau kaihhurainain One Stop Centre (OSC), Women Helpline (WHL - 181), Child Helpline (CHL - 1098) te hmalakna thlirho anih bakah hmalak zui dan tur hrang hrangte rel a ni.

Chairman Dr. Lalngura Tlau chuan Women and Child chungchanga thawktute hmalakna chu lawmawm a tih thu sawiin sawrkar inrelbawlna kawng hrang hrangah hmel thar kan hmu zel a, naupangten him taka nun an hman theih nan leh zalen taka nun an hman zui theih nan kohhran, pawl hrang hrang leh sawrkar anga hmalakna hrang hranga an thawhhona chu lawmawm a tih thu a sawi bawk. Bawrhsap chuan hmun kilkhawr ber thlenga mipuiten an chhawr theih nan helpline number te puanzar a, tih lar a pawimawh a ni a ti.

Vawiin meeting-ah hian Ministry of Women & Child Development, Govt. of India hnen atang District tina OSC in-charge tur senior officer ruat tura thupek dawn a nih angin Sairtual District-a OSC in-charge atan Pu Lalthakima Chhangte SDO (Sadar) ruat a ni a, thlakatah vawi kaht Dy. SP/ASP/CO tawiawmnain OSC a endik ang. District tina District Magistrate te leh Superintendent of Police te pawhin OSC hi endik thin tur a tih a ni.

Vawiin thutkhawmah hian hmalak tawhna hrang hrangte sawiho niin, Saitual Police Station-a District Child Protection Unit hmalaknain Child friendly room dahte, District Hub for Women Empowerment (WCD) ten February thla a One Nation, One Helpline pualin kawng zawh (rally) an neihte, One Stop Centre tne VC, YMA leh MHIP te nen tanghova inzirtirna leh inhrilhhriatna (awareness) an neih thu report ngaihthlak a ni a, heng hmalakna hrang hrangte hi Ministry of Women & Child Development, Govt. of India-ah report thehluh leh tur a ni ang.